ኣዛዚ ሰራዊት ህወሓት ደቡብ ትግራይ ሜጀር ጀነራል ዮሃንስ ወልደጊዮርጊስ ኢዶም ከምዝሃቡ ተገሊጹ

ኣዛዚ ወታደራዊ ሰራዊት ህወሓት ደቡብ ትግራይ ሜጀር ጀነራል ዮሃንስ ወልደጊዮርጊስ (ጆን ሜዲድ) ንሰራዊት ምክልኻል ኢትዮጵያ ኢዶም ከምዝሃቡ ምንጭታት ንቢቢሲ ሓቢሮም። እቲ ጀነራል ምስ ሓለውቱን ሸውዓተ ብደረጃ ኮሎኔል ዝርከቡ ኣዘዝትን ሓዊሱ ዝሓለፈ ሰኑይ ኣብ ማእከላይ ትግራይ ወረዳ ራማ ከባቢ ቁሼ ስምረት ብሰራዊት መንግስቲ ከምዝተኸበቡን ከምዝተታሕዙን ተገሊጹ። ኣብዚ እዋን ድማ ኣብ ከተማ ዓድዋ ኣብ ትሕቲ ቁፅፅር ሰራዊት ምክልኻል ኢትዮጵያ ከምዘለዉ ተሓቢሩ። መንግስቲ ኢትዮጵያ ክሳብ ሕጂ ብዛዕባ እዚ ዛዕባ ወግዓዊ መግለጺ ኣይሃበን። ሜጀር ጀነራል ዮሃንስ ቅድሚ ሕዚ ኣብ ሰራዊት ምክልኻል ኢትዮጵያ ላዕለዋይ ኣዛዚ ዝነበሩ ኮይኖም፣ ድሕሪ ምጅማር ውግእ ትግራይ ድማ ንሰራዊት ትግራይ ብምውዳብን ብምምራሕን ዓቢ ግደ ከምዝነበሮም ይግለጽ።