ሃከራት ሰሜን ኮሪያ ኣብ ልዕሊ ባይናንስ 6.3 ቢሊዮን ዶላር ስርቂ ፈጺሞም ተባሂሉ

ተመራመርቲ ሳይበር ከም ዘረደእዎ፡ እቲ ናይ ሰሜን ኮሪያ ጉጅለ ሃከራት 'ላዛሩስ' ወይ 'ትሬደር ትሬይተር' ኣብ ዓለምና ዝዓበየ መድረኽ ዲጂታል ባንኪ ባይናንስ 6.3 ቢሊዮን ዶላር ስርቂ ፈጺሞም ኣለዉ። ከም TRM Labsን Chainalysisን ዝኣመሰሉ ተቋማት፡ እዚ መጥቃዕቲ ሳይበር ምስ መንግስቲ ሰሜን ኮሪያ ዝተኣሳሰረ ጉጅለ ዝፈጸሞ ምዃኑ ኣረጋጊጾም ኣለዉ። መንግስቲ ሰሜን ኮሪያ ነዚ ክሲ ንነዊሕ እዋን ክነጽጎ ጸኒሑ እዩ። ቅድሚ ሕጂ እውን ቢሮ መርመራ ፈደራል (FBI) ከምዝገለጾ፡ እዞም ሃከራት ኣብ ሶኒ ፒክቸርስን ባይቢትን (Bybit) ተመሳሳሊ መጥቃዕቲ ሳይበር ፈጺሞም እዮም። ሰሜን ኮሪያ ንሳይበር መጥቃዕቲ ዝጥቀሙ ክኢላታት ተመሃሮ ብምምልማልን ብምስልጣንን ከም ናይ ኣታዊ ምንጪ ትጥቀመሉ ከምዘላ ይግለጽ።