ግጭት ከተማ ሞያሌ ልዕሊ 40 ሽሕ ሰባት ኣመዛቢሉ

ኣብ ዶብ ኢትዮጵያን ኬንያን ኣብ እትርከብ ከተማ ሞያሌ ኣብ መንጎ ማሕበረሰብ ኦሮሞን ሶማልያን ዝተወለዐ ግጭት ብሰንኪ ምትካል ባንዴራ ክልል ሶማል ከምዝተወለዐ ይግለጽ ኣሎ። ብመሰረት ጸብጻብ ቀይሕ መስቀል ኬንያ፡ ልዕሊ 40 ሽሕ ሰባት ናብ ኬንያ ሃዲሞም ኣለዉ። ከንቲባታት ክልቲኡ ወገናት ንሓድሕዶም ይካሰሱ ዘለዉ ኮይኑ፡ ነበርቲ ግና መንግስቲ እኹል ሓይሊ ጸጥታ ከምዘይሰደደ ብምግላጽ የዕዘሙ። ኣብቲ ግጭት ካብቲ ከባቢ ወጻኢ ዝመጹ ዕጡቓት ከምዝሳተፉ ነበርቲ ይገልጹ፡ ካብ ትግራይ ዝመጸ መንነት ዝሓዘ ውልቀሰብ ከምዝተማረኸ'ውን ተሓቢሩ ኣሎ። ብዙሓት ሰባት ኣብ ከቢድ ጸገም፣ ጥምየትን ሕጽረት ሕክምናን ከምዘለዉ ይዝከር።