ኦፌኮ ብዛዕባ ጎንፂ ሞያሌ ንመንግስቲ ፌደራልን ክልል ኦሮሚያን ነቒፉ

ኦሮሞ ፌዴራሊስት ኮንግረስ (ኦፌኮ) ኣብ ከተማ ሞያሌን ዞባ ቦረናን ንዝተፈጠረ ጎንፂ ብምምልካት ንመንግስቲ ፌደራልን ንምምሕዳር ክልል ኦሮሚያን ነቒፉ። እቲ ውድብ ኣብ ዘውፅኦ መግለፂ፣ ዕጡቓት ጉጅለታት ካብ ክልል ሶማሌ ብምእታው ዶብ ከምዝጠሓሱ፣ ከምኡውን ምምሕዳራዊ ለውጥታት ብሓይሊ ንምግባር ከምዝፈተኑ ብምግላፅ ኮኒኑ። ኣብ ዝሓለፈ ሰሙን ኣብቲ ከባቢ ብዝተላዕለ ጎንፂ፣ ብውሑዱ ትሽዓቲኦም ከምዝተቐተሉ፣ ኣስታት 30 ከምዝተጎድኡን፣ ልዕሊ 10 ሽሕ ነበርቲ ናብ ኬንያ ከምዝሃደሙን ምንጮች ፀብፂቦም ኣለዉ። ኦፌኮ መንግስቲ ፌደራል ነቲ ጉዳይ ብሱቕታ ምሕላፉ ዝነቐፈ ኮይኑ፣ ምምሕዳር እቲ ክልል ድማ ድሕነት ዜጋታት ንምኽባር ብዘይምኽኣሉ ተሓታቲ ከምዝኾነ ኣገንዚቡ። እቲ ውድብ እቲ መጥቃዕቲ ብቕልጡፍ ደው ክብልን፣ ነቲ ገበን ዝፈፀሙ ኣካላት ብናፃ ምርመራ ተኸሲሶም ንቕድሚ ሕጊ ክቐርቡን ፀዊዑ።