ኣብርሃም ተኽሉ ለማ ምስጢራዊ ሓበሬታ ኣመሪካ ንመንግስቲ ኢትዮጵያ ከምዝሃበ ኣሚኑ

ኣብርሃም ተኽሉ ለማ ዝተባህለ ኢትዮጵያዊ-ኣመሪካዊ፡ ኣብ መንጎ 2021ን 2023ን ምስጢራዊ ሓበሬታ ምክልኻል ኣመሪካ ንመንግስቲ ኢትዮጵያ ከምዘሕለፈ ኣብ ቤት ፍርዲ ኣመሪካ ኣሚኑ። ክፍሊ ፍትሒ ኣመሪካ ከም ዝገለጾ፡ እቲ ኣብርሃም ከም ክኢላ ቴክኖሎጂ ዝነበሮ ፍቓድ ተጠቒሙ ምስጢራዊ ሰነዳትን ስእልታትን ካብ ማእከል ብምውጻእ ንሰበስልጣን ኢትዮጵያ ኣሕሊፉ ሂቡ። እቲ ሓበሬታ ኣብ እዋን ኲናት ትግራይ ኣብ ወተሃደራዊ ስርሒታት ተጠቒሙሉ እዩ። ብተወሳኺ ንሱ ንሰበስልጣን ኢትዮጵያ ኣንጻር ሓይልታት ትግራይ ስጕምቲ ክወስዱ ከምዝተላበዎን ድሮን ክሰዱ ከምዝሓተተን ተገሊጹ። ንሱ ክሳብ 22 ዓመት ማእሰርቲ ክቕጻዕ ይኽእል፤ መንግስቲ ኢትዮጵያ ብዛዕባ እዚ ክሲ ክሳብ ሕጂ ዝበሎ ነገር የለን።