አብርሃም ተክሉ ለማ የአሜሪካን ሚስጥራዊ መረጃ ለኢትዮጵያ መንግስት እንደሰጠ አምኗል

በአሜሪካ የሚኖር አብርሃም ተክሉ ለማ የተባለ ኢትዮጵያዊ፣ በ2021 እና 2023 መካከል ከፍተኛ ሚስጥራዊ የመከላከያ መረጃዎችን ለአሜሪካ መንግስት እንደሰጠ በአሜሪካ ፍርድ ቤት አምኗል። አብርሃም በአሜሪካ የመረጃ ቴክኖሎጂ ዘርፍ ይሰራ የነበረ ሲሆን፣ የነበረውን የደህንነት ፈቃድ በመጠቀም የተመደቡ ሰነዶችን እና መረጃዎችን ለኢትዮጵያ ባለስልጣናት ሲያቀብል እንደነበር የአሜሪካ የፍትህ ሚኒስቴር አስታውቋል። አብርሃም በተለይም በትግራይ ጦርነት ወቅት ለኢትዮጵያ ወታደራዊ ኦፕሬሽኖች መረጃዎችን ማቀበሉ ተጠቅሷል። በተጨማሪም ለሌላ አካል ባስተላለፈው መልእክት የትግራይ ኃይሎችን ለማጥፋት ድሮን እንዲላክ መጠየቁ በክሱ ተካትቷል። አብርሃም እስከ 22 ዓመት እስራት ሊቀጣ ይችላል፤ የኢትዮጵያ መንግስት እስካሁን በጉዳዩ ላይ አስተያየት አልሰጠም።