ቀዳማይ ሚኒስተር ኣብይ ኣሕመድ ኣብ ኣዲስ ኣበባ ፋብሪካ መጽረዪ ክቡራት ማዕድናት ኣጀሚሮም

ቀዳማይ ሚኒስተር ኣብይ ኣሕመድ ኣብ ኣዲስ ኣበባ ቦሌ ለሚ ኢንዱስትሪያዊ ፓርክ ዝተሃንጸ መጻረዪ ፋብሪካ ክቡራት ማዕድናት ብወግዒ መሪቖም ኣፊሮም። እቲ ፋብሪካ ኣብ ዓመት ካብ 600 ቶን ንላዕሊ ክቡራት ማዕድናት ናይ ምጽራይ ዓቕሚ ኣለዎ። እዚ ፕሮጀክት ብምትሕብባር ኢትዮጵያ ኢንቨስትመንት ሆልዲንግስን ሳም ፕሬሺየስ ሜታልስን ዝተሃንጸ ኰይኑ፡ ንኢትዮጵያ ኣብ ኣፍሪቃ ናይ ማዕድን መጽረዪ ማእከል ንምግባር ዝዓለመ እዩ። ቀዳማይ ሚኒስተር ከም ዝገለጽዎ፡ እቲ ትካል ካብ ጥረ-ነገር ናብ ዝተሰርሐ ፍርያት ብምሽጋር፡ ካብ ሰደድ ንግዲ ዝርከብ ኣታዊ ንምዕባይን ዕድል ስራሕ ንምፍጣርን ኣገዳሲ እዩ። እቲ ፋብሪካ ብኢትዮጵያውያን ሰብ ሞያ ዝመሓደር ኰይኑ፡ ካብቶም ከም ጐሓፍ ዝድርበዩ ነገራት እውን ካልኦት ክቡራት ማዕድናት ናይ ምውጻእ ዓቕሚ ኣለዎ።