ኢትዮጵያዊት ሜላት ኣስፋወሰን ኣብ ኮሎራዶ ንኮንግረስ ኣመሪካ ተመሪጻ

ወዲ 29 ዓመት ኢትዮጵያዊት-ኣመሪካዊት ሜላት ኣስፋወሰን ኪሮስ፡ ኣብ ግዝኣት ኮሎራዶ ንኮንግረስ ኣመሪካ ተመሪጻ። ብድጋፍ ሰልፊ ዲሞክራቲክ ሶሻሊስት ኣመሪካ ዝወዳደረት ሜላት፡ ካብተን ንኮንግረስ ዝተመርጻ መንእሰያት ደቀንስትዮ ሓንቲ ብምዃን ታሪኽ ሰሪሓ። ኣብ ኣዲስ ኣበባ ዝተወልደት ሜላት፡ ብሕጻንነታ ምስ ስድራቤታ ብሎተሪ ዲቪ ናብ ኣመሪካ ብምኻድ ኣብ ደንቨር ኮሎራዶ እያ ዓብያ። ካብ ዩኒቨርሲቲ ኖትረዳም ብሕጊ ዝተመረቐት ሜላት፡ ቀደም ኣብ ኒውዮርክ ብጠበቃነት ትሰርሕ ከም ዝነበረት ተገሊጹ። እታ ፖለቲከኛ ሎሚ ኣብ ሓደ ካፈ እናሰርሐት ትምህርታ ትከታተል ኣላ። መደብ ምርጫኣ ኣብ ምቅዋም ተጽዕኖ ሎቢስትን ኣብ ልዕሊ እስራኤል ዘለዋ ተሪር መርገጽን ዘተኮረ እዩ። ንነዊሕ ዓመታት ዘገልገለት ዲያና ደጌት ብምስዓር ንሰልፋ ዓቢ ዓወት ኣመዝጊባ። ሜላት፡ ወጻኢታት ትምህርትን ጥዕናን ንምሽፋን ዘጸግሞም ወገናት ንምግልጋል ከም እትሰርሕ ገሊጻ።