ቢሮ ትራንስፖርት ኣዲስ ኣበባ ውጽኢት መርመራ ልቀት መካይን ኣፍሊጡ

ቢሮ ትራንስፖርት ኣዲስ ኣበባ ነቲ ኣብ ነፍሲ ወከፍ ርብዒ ዓመት ዘካይዶ መርመራ ልቀት መካይን ውጽኢት ኣፍሊጡ። ኣብ መጀመሪያ ርብዒ ዓመት ካብ ዝተመርመራ 200 መካይን 44.5 ሚእታዊት መዐቀኒ ዘይማለኣ እየን። ብፍላይ መካይን ናፍጣ ዝለዓለ ጸገም ኣለወን፤ ካብ 89 መካይን ናፍጣ 13 ጥራይ ክሓልፋ ከለዋ፡ ካብ 111 መካይን ቤንዚን ግና 101 ሓሊፈን። ዳይሬክተር ምዕባለ ትራንስፖርት እቲ ቢሮ ግርማ ሳሙኤል፡ ዕድመ መኪና ጥራይ መዐቀኒ ልቀት ከም ዘይኮነን፡ ኣገዳሲ ነገር ጥገና ምዃኑን ገሊጾም። እቲ መርመራ ኣብዚ ሕጂ እዋን ብፍቓደኛነት ዝካየድ ምዃኑ ተደራስነቱ ከም ዝገደቦ ኣምኒዮም። ከተማ ኣዲስ ኣበባ ብልኽለት ኣየር ንምቅላስ 'ኮፕቴክ' ዝኣመሰለ ቴክኖሎጂታት ንምእታው ትሰርሕ ኣላ።