ግድብ ሜገጭ ስራ ጀሚሩ

ንነዊሕ እዋን ክህነጽ ዝጸንሐ ግድብ መስኖ ሜገጭ ብወግዒ ስርሑ ከምዝጀመረ ቀዳማይ ሚኒስትር አቢይ አህመድ ኣፍሊጦም። እቲ ግድብ ልዕሊ 17 ሽሕ ሄክታር መሬት ብምልማዕ ልዕሊ 45 ሽሕ ስድራቤታት ተጠቃሚ ንምግባር ዝዓለመ እዩ። ብተወሳኺ ንከተማ ጎንደርን ከባቢኣን ንጹህ መስተ ማይ ከምዘቕርብን ስራሕቲ ዓሳን ቱሪዝምን ከምዘተባብዕን ተገሊጹ።

እቲ ፕሮጀክት ንኽልተ ዓሰርተ ዓመታት ዝጸንሐ ኮይኑ፣ ኣብ ምህናጹ ከቢድ ናይ ግዜን ወጻኢን መደናጉያታት ኣጋጢምዎ ነይሩ። ትካል ፀረ-ሙስናን ኦዲተር ቤት ጽሕፈትን ኣብቲ መስርሕ ዝነበሩ ናይ ዲዛይንን ኣመራርሓን ጸገማት ገሊጾም ነይሮም። ይኹን እምበር ብዝተገበረ ናይ ቀረባ ክትትል ናብ መፈጸሚኡ ከምዝበጽሐ ተመልኪቱ።