በምዕራብ ኦሮሚያ ከ20 በላይ ሰዎች ያለፍርድ ቤት ለረጅም ጊዜ ታስረዋል ተባለ

በምዕራብ ኦሮሚያ ሳዩ ኖሌ ወረዳ ከ20 በላይ ሰዎች ፍርድ ቤት ሳይቀርቡ ለወራት መታሰራቸው ተነግሯል። በመቱ ዩኒቨርሲቲ የህግ መምህር አቶ ኬነሳ ደገፋ እና የአካባቢው ነዋሪዎች እንደገለጹት፣ ታሳሪዎቹ ጳጉሜን 2018 ዓ.ም ጀምሮ የተያዙ ሲሆን አብዛኛዎቹ ለምን እንደታሰሩ እንኳን አያውቁም። ይህ ድርጊት የህግ አግባብን የጣሰ እና የሰብአዊ መብት ጥሰት መሆኑን ህግ ባለሙያው አክለዋል።

የሳዩ ኖሌ ወረዳ ፖሊስ ኃላፊ ኮማንደር አሰቤ ቡልቲ በበኩላቸው፣ የተያዙት ሰዎች በወቅታዊ ሁኔታ እና በወንጀል ተጠርጥረው መሆኑን አብራርተዋል። በወረዳው ከወቅታዊ ሁኔታ ጋር በተያያዘ በቁጥጥር ስር የዋሉ 25 ሰዎች እንዳሉ የገለጹት ኃላፊው፣ ጉዳያቸው በጸጥታ ምክር ቤት እየታየ መሆኑን አስታውቀዋል። ይህ እስር የፍትህ ስርዓቱን ተዓማኒነት ጥያቄ ውስጥ እንደሚጥል ተችቷል።