ኣብ ምዕራብ ኦሮሚያ ልዕሊ 20 ሰባት ብዘይ ፍርዲ ንነዊሕ እዋን ተኣሲሮም ኣለዉ ተባሂሉ

ኣብ ምዕራብ ኦሮሚያ ወረዳ ሳዩ ኖሌ ልዕሊ 20 ሰባት ናብ ቤት ፍርዲ ከይቀረቡ ንሓያሎ ኣዋርሕ ተኣሲሮም ከምዘለዉ ተገሊጹ። ካብ ዩኒቨርሲቲ መቱ መምህር ሕጊ ዝኾኑ ኣቶ ኬነሳ ደገፋን ነበርቲ እቲ ከባቢን ከም ዝገለጽዎ፡ እቶም ተኣሰርቲ ካብ ጳጉሜን 2018 ዓ.ም ኣትሒዞም ዝተታሕዙ ኮይኖም፡ መብዛሕትኦም ስለምንታይ ከም ዝተኣሰሩ እውን ኣይፈልጡን እዮም። እዚ ተግባር እዚ ንስርዓተ ሕጊ ዝጥሕስን መሰል ደቂ ሰባት ዝግህስን ምዃኑ እቲ መምህር ሕጊ ኣረዲኦም።

ሓላፊ ፖሊስ ወረዳ ሳዩ ኖሌ ኮማንደር ኣሰቤ ቡልቲ ብወገኖም፡ እቶም ዝተታሕዙ ሰባት ብምኽንያት እዋናዊ ኩነታትን ብጥርጣረ ገበንን ከም ዝኾኑ ገሊጾም። ኣብቲ ወረዳ ምስ እዋናዊ ኩነታት ብዝተኣሳሰር ኣብ ትሕቲ ቁጽጽር ዝወዓሉ 25 ሰባት ከም ዘለዉ ዝገለጹ እቶም ሓላፊ፡ ጉዳዮም ብቤት ምኽሪ ጸጥታ እናተራእየ ምዃኑ ኣመልኪቶም። እዚ ማእሰርቲ እዚ ንተኣማንነት ስርዓተ ፍትሒ ኣብ ሕቶ ምልክት ከም ዘእቱ ተነቂፉ።