ህብረት ህዝባዊ ሓይልታት ኢትዮጵያ ኣብ ልዕሊ መንግስቲ ክሲ ኣቕሪቡ

ሕብረት ህዝባዊ ሓይልታት ኢትዮጵያ፡ መንግስቲ ኣብ ወለጋ፡ ኣርሲ፡ ሞያሌን ጋምቤላን ኣብ ልዕሊ ንፁሃን ዜጋታት ኣብ ዝተፈጸመ ቅትለትን መፈናቀልን "ቀጥታን ተዘዋዋርን" ተሳትፎ ኣለዎ ክብል ከሲሱ። እቲ ህቡእ ሓይሊ፡ ካብ ወርሒ ነሓሰ ጀሚሩ ኣብ ምብራቅ ወለጋ ኣሽሓት ሰባት ከምዝተቀትሉን ልዕሊ 80 ሽሕ ተወላዶ ኣማራ ካብ መነባብርኦም ከምዝተፈናቀሉን ኣብ መግለፂኡ ኣስፊሩ።

መንግስቲ ፌዴራል ንክሲ እቲ ጉጅለ ቀጥታ ምላሽ እኳ እንተዘይሃበ፡ ሰበ ስልጣን ክልል ኦሮሚያ ግና እቲ ኣብ ኣርሲ ዝተፈጸመ መጥቃዕቲ ምስ ዕጡቃት ሓይልታት ኣተሓሒዞምዎ ኣለዉ። ኢታማዦር ሹም ሰራዊት ምክልኻል ኢትዮጵያ ፊልድ ማርሻል ብርሃኑ ጁላ እውን ነቲ ሓይሊ ከምዘይቅበልዎ ገሊጾም። ኣብዚ ግዜ እዚ፡ ኤምባሲ ኣሜሪካ ኣብ ኢትዮጵያ ዘሎ ኩነታት ጸጥታ ስክፍታ ብምዃኑ፡ ዜጋታት ኣሜሪካ ናብ ክልል ኣማራ፡ ትግራይን ዓፋርን ከይገሹ ኣጠንቂቁ።