ዝምድና ሩስያን ኣፍሪቃን፡ ነጸብራቕ ቁጠባዊን ወተሃደራውን ጽልዋ

ሩስያ ምስ ሃገራት ኣፍሪቃ ዘለዋ ዲፕሎማስያዊ፡ ቁጠባዊን ወተሃደራውን ዝምድና ንምጥንኻር ትሰርሕ ኣላ። ፕረዚደንት ቭላድሚር ፑቲን ንኣፍሪቃ ከም ተፈጥሮኣዊ መሓዛ ሩስያ ገሊጾምዋ፡ ዝምድና ክልቲኦም ወገናት ንምህናጽ ብዙሕ ዋልታ ዘለዎ ስርዓተ-ዓለም ከም ዘገግዝ ኣረዲኦም። ይኹን እምበር፡ ካብ ቁጠባዊ መኣዝን ክርአ ከሎ፡ ሩስያ ምስ ኣፍሪቃ ዘለዋ ናይ ንግዲ ልውውጥ ምስ ናይ ቻይና፡ ሕብረት ኤውሮጳን ኣሜሪካን ክወዳደር ከሎ ውሑድ እዩ። ግብጺ ጥራይ ኣብቲ ናይ ሩስያ ንግዲ ዓቢ ድርሻ ዘለዋ ኮይና፡ ንግዲ ክልቲአን ሃገራት ብቐንዱ ብመግቢ፡ ብብረታ ብረትን ብፕሮጀክታት ኢነርጂ ኑክሌርን ዝተሳሰረ እዩ። ኣብ ካልእ ወገን ከኣ፡ ተጽዕኖ ሩስያ ኣብ ኣፍሪቃ ብቁጠባ ካብ ምዕባይ ንላዕሊ ኣብ ወተሃደራዊን ድሕንነትን ዘርፊ ኣዝዩ ጎሊሁ ይርአ። እቲ ቀደም ዝነበረ ቫግነር ተኪኡ ዘሎ “ኣፍሪቃ ኮርፕስ” ኣብ ብዙሓት ሃገራት ኣፍሪቃ ዝንቀሳቐስ ዘሎ ኮይኑ፡ ሩስያ ክሳዕ ሕጂ እውን ንብዙሓት ሃገራት ኣፍሪቃ ቀንዲ ኣቕራቢት ኣጽዋር እያ።