ኣብ ዞባ ዋግህምራ ክልል ኣምሓራ ብሰንኪ ደርቂ ህይወት ሰባት ይሓልፍ ኣሎ

ኣብ ዞባ ዋግህምራ ክልል ኣምሓራ ዘጋጠመ ከቢድ ደርቂ፡ ህይወት ሰባት ከምዘጥፍአ ይግለጽ ኣሎ። ነበርቲ ወረዳታት ሰሃላ ሰየምን ፃግምጂን ከም ዘረድእዎ፡ ህፁፅ እኽልን መግቢ እንስሳን ብዘይምህላዉ ህፃናትን ኣረጋውያንን ኣብ ከቢድ ሓደጋ ወዲቖም ኣለው። ቤት ጽሕፈት ሕርሻ እቲ ወረዳ ከም ዝገለጾ፡ ልዕሊ 66 ሽሕ ሰባት ብሰንኪ እቲ ደርቂ ተጠቒዖም ኣለዉ። መንግስቲ ን30 ሽሕ ሰባት ሓገዝ መግቢ እኳ እንተገበረ፡ እቲ ሓገዝ ግና ካብ ዘድሊ በታተን እዩ።

ኮሚሽን ሓደጋ ስግኣትን ኣመራርሓ ስራሕን ክልል ኣምሓራ፡ ንተጠቐዕቲ ልዕሊ 11 ሽሕ ኩንታል እኽሊ ይከፋፍል ከምዘሎ ገሊጹ። እቲ ደርቂ ብፅልዋ ኤል-ኒኖ ዝተፈጠረ ምዃኑ ዝተገልፀ እንትኸውን፡ ንህይወት ኣድሕን ስራሕቲ እናሰርሑ ከምዘለዉ እቲ ኮሚሽን ኣፍሊጡ። ይኹን እምበር፡ ናይ ትራንስፖርት መደናጉዪን ናይ ቀረብ ድኽመትን ንተጠቐዕቲ ዝበፅሕ ሓገዝ ይዕንቅፍ ከምዘሎ ተፈሊጡ። ነበርቲ እቲ ዞባ ካብ ዝሓለፈ ግጭትን ወቅታዊ ደርቅን ንምውፃእ ህፁፅ መንግስታዊ ሓገዝ ከምዘድልዮም ይሓቱ ኣለዉ።