ኣቦ መንበር ውድብ ዲሞክራሲያዊ ትግራይ ንህወሓት ነዲዶም

ኣቦ መንበር ውድብ ዲሞክራሲያዊ ትግራይ (ትዲፓ) ኣቶ ኣረጋዊ በርሄ ምስ ኢዜኣ ኣብ ዝገበርዎ ቃለ-መጠይቕ፣ ህወሓት ብሓይሊ ስልጣን ንምሓዝ ይጋደል ከምዘሎ ገሊጾም። ኣቶ ኣረጋዊ፣ እቲ ጉጅለ መንእሰያት ብግዲ ወታደር እናገበረ ህዝቢ የሳቒ ከምዘሎ ብምጥቃስ፣ እዚ ተግባር እቲ ጉጅለ ኣብ ክሳራ ከምዘሎ ዘርኢ እዩ ኢሎም። ህዝቢ ትግራይ ነቲ ናይ ህወሓት ኣዕናዊ መስመር ከምዝተረደኦ ዝገለጹ ኣቦ መንበር፣ ህዝቡ ብግጭት ስለዝደኸመ ንግዲ ተዋጋኢ ንምምልማልን ንባዕላዊ ረብሓ ህወሓት ዝግበር ብክነት ሃብትን ይቃወም ከምዘሎ ኣረዲኦም። ብተወሳኺ፣ 'ጥምዶ' ዝተባህለ ጥምረት ሃገር ንምዝራግ ዝተጠነሰሰ ሴራ ምዃኑ ብምግላጽ ኣውጊዞምዎ። ህወሓት ምስ ወጻኢ ሓይልታት ብምትሕብባር ሰላም ንምዝራግ ይፍትሽ እኳ እንተሃለወ፣ እቲ ውጥን ከምዝፈሸለ ሓቢሮም። ኣብ መወዳእታ፣ ጸገማት ኢትዮጵያ ብዲፕሎማሲያዊ ዘተን ብሓድነትን ክፍታሕ ከምዘለዎ ኣዘኻኺሮም።