ጠቅላይ ሚኒስትር አብይ የመገጭ ግድብን አስመረቁ

ጠቅላይ ሚኒስትር አብይ አህመድ ለዓመታት ሲጓተት የቆየውን የመገጭ ግድብ ፕሮጀክት አስመረቁ። ግድቡ 185 ሚሊዮን ኪዩቢክ ሜትር የመያዝ አቅም ያለው ሲሆን ከ17 ሺህ ሄክታር በላይ መሬት በማልማት በሺዎች ለሚቆጠሩ አርሶ አደሮች ተጠቃሚ እንደሚያደርግ ተገልጿል።

በተጨማሪም ፕሮጀክቱ ለጎንደር ከተማ እና ለለአካባቢው ከተሞች ንጹህ የመጠጥ ውሃ እንደሚያቀርብ ተጠቁሟል። ጠቅላይ ሚኒስትሩ የዚህ ፕሮጀክት መጠናቀቅ የ'መደመር' ፍልስፍና ውጤት መሆኑን ገልጸው፣ ጎንደር የተሻለ ልማት እንደሚገባት ጠቅሰው ህዝቡ በልማት ስራዎች ላይ ንቁ ተሳትፎ እንዲያደርግ ጥሪ አቅርበዋል። ፕሮጀክቱ ከግብርና በተጨማሪ በአሳ ሀብትና በቱሪዝም ዘርፍ የስራ እድል እንደሚፈጥር ይጠበቃል።