Mummichi Ministeeraa Abiy pirojektii hidha Megech eebbisiisan

Mummichi Ministeeraa Abiy Ahmed pirojektii hidha Megech waggoota dheeraaf tursiise eebbisiisaniiru. Hidhi kun qabiyyee meetira kiyuubikii miliyoona 185 kan qabu yoo ta'u, lafa hektaara 17,000 ol ta'u misoomsuun qonnaan bultoota kumaatamaan lakkaa'aman fayyadamoo akka taasisu ibsameera.

Kana malees, pirojektichi magaalaa Gondarfi magaalota ollaa ishee qulqulluun bishaan dhugaatii akka argatan taasisa. Mummichi Ministeeraa xumuramuu pirojektichaa fayyadamummaa falsafa 'Medemer' ta'uu ibsanii, Gondar misoomni caalu akka barbaachisu eeruun, hawaasni hojii misoomarratti hirmaannaa akka godhu waamicha dhiheessaniiru. Pirojektichi qonna malees, hojii qurxummii fi tuurizimiin carraa hojii uuma jedhamee eegama.