ቀዳማይ ሚኒስትር ኣቢይ ፕሮጀክት ግድብ መገጭ ኣመሪቖም

ቀዳማይ ሚኒስትር ኣቢይ ኣሕመድ ንነዊሕ ዓመታት ተወሊዑ ዝጸንሐ ፕሮጀክት ግድብ መገጭ ኣመሪቖም። እቲ ግድብ 185 ሚልዮን ኪዩቢክ ሜትር ናይ ምዕቋር ዓቕሚ ዘለዎ ኮይኑ፡ ልዕሊ 17 ሽሕ ሄክታር መሬት ብምልማዕ ንኣሽሓት ዝቑጸሩ ሓረስቶት ተጠቃሚ ከምዝገብር ተገሊጹ።

ብተወሳኺ እቲ ፕሮጀክት ንከተማ ጎንደርን ከባቢኣን ጽሩይ መስተ ማይ ከምዘቕርብ ተሓቢሩ። ቀዳማይ ሚኒስትር እቲ ፕሮጀክት ተዛዚሙ ዘሎ ብፍልስፍና 'መደምር' ምዃኑ ገሊጾም፡ ጎንደር ዝበለጸ ልምዓት ከምዝግባኣ ብምዝኽኻር፡ ህዝቢ ኣብ ስራሕቲ ልምዓት ንጡፍ ተሳትፎ ክገብር ጸዊዖም። እቲ ፕሮጀክት ካብ ሕርሻ ብተወሳኺ ኣብ ዓውዲ ዓሳን ቱሪዝምን ዕድል ስራሕ ከምዝፈጥር ይጽበ።