ቀዳማይ ሚኒስትር ነበር ጋና ንግድቢ መገች በጺሖም

ቀዳማይ ሚኒስትር ነበር ጋና ጆን ማሃማ ኣብ ጎንደር ዝርከብ ፕሮጀክት ማይ መገች በጺሖም። እቲ ፕሮጀክት ንምግቢ ዓርሰ-እኽልነትን ንዕቤት ኢኮኖሚን ዘለዎ ፋይዳ ብምግላጽ፡ ኢትዮጵያ ንነዊሕ ዓመታት ተታሒዞም ዝጸንሑ ፕሮጀክታት ብምዝዛም ዘርእዮ ዘላ ቆራጽነት ንመራሕቲ ኣፍሪካ ኣብነት ምዃኑ ገሊጾም። ማሃማ ኣብ ኢትዮጵያ ዝረኣይዎ ለውጢ፡ ኣብ ጋና ተመሳሳሊ ዝተሓደጉ ፕሮጀክታት እንደገና ንምጅማር ድፍረት ከምዝሃቦም ሓቢሮም። ዕድሚኡ 19 ዓመት ዝኾነ ግድብ መገች፡ ቀዳማይ ሚኒስትር ኣቢይ ኣሕመድ ቅድሚ ሰለስተ ዓመት ብዝገበርዎ ጻዕሪ ከምዝተዛዘመ ተገሊጹ። እቲ ግድብ 185 ሚልዮን ኪዩቢክ ሜተር ናይ ምሓዝ ዓቕሚ ዘለዎ ኮይኑ፡ ልዕሊ 17 ሽሕ ሄክታር መሬት ከምዘለልም ከምኡውን ንከተማ ጎንደርን ከባቢኣን መስተ ማይ ከምዘቕርብ ተሓቢሩ።