ምክትል ኣምባሳደር ዘሪሁን፡ መእተዊ ናብ ቀይሕ ባሕሪ ንህልውና ኢትዮጵያ ኣገዳሲ እዩ ኢሎም

ኣብ ባህር ዳር ኣብ ዝካየድ ዘሎ መበል 12 መድረኽ ጣና፡ ኣምባሳደር ዘሪሁን መእተዊ ናብ ባሕሪ ንህልውና ኢትዮጵያ ወሳኒ ጉዳይ ምዃኑ ኣመልኪቶም። ኢትዮጵያ ብጂኦግራፊያዊ ኣቀማምጣኣን ድሌት ጸጥታኣን ኣብ ጉዳይ ቀይሕ ባሕሪ ክትካተት ከምዘለዋ እቶም ኣምባሳደር ኣገንዚቦም። ኣብቲ መድረኽ ዳይሬክተር ሓፈሻዊ ኣገልግሎት ሃገራዊ ጸጥታን መረዳእታን ኣምባሳደር ረድዋን ሑሴን ብወገኖም፡ ቀይሕ ባሕሪ ንንግዲ ኢትዮጵያ ኣዝዩ ኣገዳሲ ምዃኑ ብምግላጽ፡ ኣብቲ ከባቢ እናዓበየ ዝመጽእ ዘሎ ወተሃደራዊ ምንቅስቓስን ኣብ ልዕሊ ንግዲ መራኽብ ዝበጽሕ ዘሎ መጥቃዕትን ንጸጥታ እቲ ዞባ ከምዝፈታተን ኣጠንቂቖም። እቲ መድረኽ ኣብ ጂኦፖለቲካዊ ለውጥታት ቀርኒ ኣፍሪቃን ቀይሕ ባሕርን ትኹረት ብምግባር ይካየድ ኣሎ።