ቅድምት ኣቦመንበር ኮሚሽን ሕብረት ኣፍሪቃ ኢትዮጵያ ንኻልኦት ሃገራት ኣፍሪቃ ኣብነት ምዃና ገሊጸን

ቅድምት ኣቦመንበር ኮሚሽን ሕብረት ኣፍሪቃ ንኮሳዛና ድላሚኒ-ዙማ፡ ኢትዮጵያ ብዓቕሚ ባዕላ ኣብ ምምዕባልን ኣብ ፖሊሲ ኢነርጂ ንዘለዋ ቁርጠኝነት ንኻልኦት ሃገራት ኣፍሪቃ ኣብነት ምዃና ገሊጸን። ቅድሚ እቲ ኣብ ሩስያ ዝካየድ ዋዕላ ሩስያ-ኣፍሪቃ ምስ ኢዜአ ኣብ ዘካየደኦ ቃለ-መጠይቕ፡ ዓቢይ ግድብ ህዳሰ ኢትዮጵያ፡ ወጻኢ ሓገዝ ከይተጸበዩ ብዓቕሚ ባዕልኻ ምህናጽ ከም ምልክት ዘርኢ ምዃኑ ኣረዲአን። ብተወሳኺ፡ ኢትዮጵያ ንመኪናታት ነዳጅ ናብ ውሽጢ ሃገር ከይኣትዋ ዝወሰደቶ ስጉምቲ፡ ኣብ መረጋገጺ ሓምላይ ኢነርጂ ኣብ ኣህጉራዊ ደረጃ ቀዳመይቲ ተጠቃሲት ምዃና ኣገንዚበን። ከም ሓሳበን፡ ኣፍሪቃውያን ኣብ ዓቕሚ ባዕሎም ክተኣማመኑ ምስ ዝኽእሉ ጥራይ እዮም ዓቢይ ዓወታት ከመዝግቡ ዝኽእሉ፡ ኢለን። ንከተማ ኣዲስ ኣበባ ቀረባ እዋን ከም ዝበጽሓ ዝገለጻ ድላሚኒ-ዙማ፡ ኣብታ ከተማ ይርአ ዘሎ ቅልጡፍ ለውጢ ውጽኢት ዓቕሚ ኢነርጂ ምዃኑ እውን ኣስሚረንሉ።