ምግዛእ ነፈርቲ ውግእ ሱ-35 ብኢትዮጵያ ኣብ ግብጺ ስክፍታ ፈጢሩ

ተመራማሪ እስራኤል ኮኸን ንኢዜአ ከምዝገለጽዎ፡ ኢትዮጵያ ነዘን ዘመናዊ ነፈርቲ ውግእ ሱ-35 ካብ ሩስያ ምርካባ ኣብ ግብጽን ማዕከናት ዜና ዓረብን ዓቢ ስክፍታ ፈጢሩ ኣሎ። ግብጺ ቅድሚ ሕጂ ነዘን ነፈርቲ ንምግዛእ ፈቲና ብሰንኪ ጸቕጢ ኣሜሪካ ከምዝተረፈተን ዘዘኻኸሩ እቶም ተመራማሪ፡ ኢትዮጵያ ነዚ መሰናኽል ብምሕላፍ ዲፕሎማስያዊ ርክባታ ተጠቒማ ስምምዕነታ ምፍጻማ፡ ብቕዓት ስትራቴጂካዊ ርክባት ክልቲአን ሃገራት ዘርኢ እዩ ኢሎም።

ቀዳማይ ሚኒስትር ዐቢይ ኣሕመድ ብወገኖም፡ ዓቕሚ ምክልኻል ኣየር ኢትዮጵያ ምሕያል ንህልውና ሃገር ወሳኒ ምዃኑ ኣስሚሮምሉ። ኣብ ግዜ ሰላም እኹል ምድላው ምግባር ግጭት ከምዝኽልክል ዝገለጹ እቶም ቀዳማይ ሚኒስትር፡ እዘን ነፈርቲ ነቲ ናይ ኢትዮጵያ ክሊ ኣየር ንምክልኻል ዓቢ ግደ ከምዘለወን ኣረዲኦም። ኢትዮጵያ ከምዚ ዝበለ ዘመናዊ ወታደራዊ ዓቕሚ ዘማልአት ናይ መጀመሪያ ሃገር ትሕቲ ሰሃራ ኣፍሪቃ ኮይና ኣላ።