ሰራዊት ምክልኻል ኣብ ከባቢ ውቕሮ ዕጥቂ ተቆጻጺሩ

ሰራዊት ምክልኻል ኢትዮጵያ ኣብ ከባቢ ውቕሮ ኣብ ዝርከብ ከባቢ ፅገረዳ ዕጥቅታት ከምዝተቆጻጸረ ኣፍሊጡ። ሰራዊት ኣብታ ከተማ 30 ኪሎሜተር ርሒቑ ኣብ ዝገበሮ ፍተሻ 51 ዘመናዊ ሚሳይል ፀረ-ታንክ ምስ መወንጨፊኦም ከምዝረኸበ ገሊፁ። እዚ ስርሒት ዝተኻየደ ድማ ብሰሪ ሓበሬታ ህዝቢ ከምዝኾነ እቲ ሓበሬታ የመላኽት። ህወሓት ስልጣን ክልል ብሓይሊ ንምሓዝ ኣብ ግዜ ኲናት ዕጥቅታት ይሓብእ ከምዝነበረ እቲ ፀብጻብ ይገልጽ።

ካብ ግብፅን ካልኦት ሃገራትን ዝኣተዉ ዕጥቅታት ንነዊሕ እዋን ተሓቢኦም ከምዝነበሩ ዝጠቅስ እቲ ፀብጻብ፣ እዚ ተግባራት እቲ ጉጅለ ንሰላም ቅድምያ ከምዘይህብ ዘርኢ እዩ ኢሉ። ሰራዊት ምክልኻል ኣብ ዝተፈላለዩ ከባቢታት ተሓቢኦም ዝነበሩ ዕጥቅታት ንምርካብ ናይ ምድላይ ስራሕ ይገብር ኣሎ።