Bulchiinsi federaalaa naannoo Tigraayitti hojiiwwan ijaarsa deebii fi daldalaa deeggaraa jiraachuu ibse

Bulchiinsi federaalaa naannoo Tigraayitti, itti gaafatamaan ijaarsa deebii fi diinagdee kan ta'an Dr. Tewodros Aragay, naannichatti hojiiwwan daldalaa cimsuu fi gabaa tasgabbeessuuf hojjetamaa jiraachuu ibsaniiru. Bulchiinsi kun hundeeffamee kaasee, caasaa hawaasummaa fi diinagdee miidhame suphuun ummata gara jireenya idileetti deebisuuf tattaaffii godhaa jira. Itti gaafatamaan kun akka ibsanitti, tajaajiloonni bu'uuraa fi miijileen tajaajilaa garee TPLF'n addaan citanii turan gara hojii idileetti deebi'aniiru.

Qabeenyaa fi baankiiwwan waliin ta'uun gabaa keessatti midhaan fi meeshaaleen nyaataa akka dhiyaatan hojjetamaa jiraachuus himaniiru. Mariiwwan ummataa irraa wanti ka'u hundi deebii argachaa akka jiru fi barnootni magaalaa Maqalee keessatti jalqabe naannolee biroottis babal'isuuf qophiin taasifamaa jiraachuus ibsaniiru. Mootummaan federaalaa naannichatti nagaan akka mirkanaa'uu fi hojiin ijaarsa deebii akka itti fufuuf xiyyeeffannoo kennuun hojjechaa jiraachuu ENA'n gabaaseera.