ኣብ ትግራይ ደሞዝ ሰራሕተኛታት መንግስቲ ካብ 30 ጥቅምቲ ጀሚሩ ከምዝኽፈል ተገሊጹ

ምምሕዳር ግዝያዊ ትግራይ ደሞዝ ሰራሕተኛታት መንግስቲ ካብ 30 ጥቅምቲ 2019 ዓ.ም ጀሚሩ ከምዝኽፈል ኣፍሊጡ። ዋና ፈጻሚ ስራሕ ቢሮ ኢኮኖሚን ዳግመ ህንጸትን እቲ ክልል ዶ/ር ቴዎድሮስ ኣረጋይ ከምዝገለጽዎ፡ ንክፍሊት ዘድሊ ምድላዋት ፋይናንስ ተዛዚሙ ኣሎ። እቲ ክፍሊት ኣብ ስራሕ ተረኺቦም ንዝተመዝገቡን ብሕጋዊ መገዲ ተቀጺሮም ንዝሰርሑን ሰራሕተኛታት ጥራይ ከምዝወሃብ ተገሊጹ። እዚ ውሳነ ኣብቲ ክልል ዘለዉ ትካላት መንግስቲ ንምጅማርን ተበግሶ ሰራሕተኛታት ንምሕያልን ዝዓለመ እዩ። ኣብቲ ክልል ንነዊሕ ኣዋርሕ ደሞዝ ከይተከፈለ ብምጽንሑ ኣብ ልዕሊ ሰራሕተኛታት ከቢድ ጸገም ኢኮኖሚ ከምዝፈጠረ ዝዝከር እዩ።