ሌተናል ጀነራል ፃድቃን ገብረትንሳኤ ከትግል መውጣታቸውን አስታወቁ

ሌተናል ጀነራል ፃድቃን ገብረትንሳኤ ከቲቢኤስ (TBS) ጋር ባደረጉት ቃለ-መጠይቅ ከማንኛውም የተደራጀ የትግል ኃይል ጋር መፋታታቸውን አስታወቁ። የትግራይ ህዝብ የተሸከመውን የህወሓት ጫና እንደ ስህተት የገለጹት ጄነራሉ፣ አሁን ያ ጫና መወገዱን እንደ ትልቅ ድል ቆጥረውታል። ከእንግዲህ በትጥቅ ትግል የሚመለስ የትግራይ ጥያቄ እንደሌለ የገለጹት ፃድቃን፣ በሰላማዊ መንገድ የሚፈቱ በርካታ ጉዳዮች እንዳሉ ተናግረዋል። የትግል ተግባራቸውን ማጠናቀቃቸውን ያረጋገጡት ጀነራሉ፣ ወደፊት በሚፈልጉበት ጊዜ በትግራይ ህዝብ የሰላም፣ የምክር እና የእርቅ ስራዎች ላይ ብቻ እንደሚሳተፉ አስታውቀዋል። ይህ ውሳኔ በሰሜን ኢትዮጵያ ያለውን የፖለቲካ ትኩረት አዲስ ምዕራፍ ሊከፍት እንደሚችል ይጠበቃል።