በደቡብ ኢትዮጵያ በታጣቂዎች ጥቃት አራት አርሶ አደሮች ተገደሉ

በደቡብ ኢትዮጵያ ክልል ኮንሶ ዞን ኮልሜ ወረዳ ጥቅምት 23 ቀን 2019 ዓ/ም ታጣቂዎች በፈጸሙት ጥቃት አራት አርሶ አደሮች መገደላቸውን የሟቾች ቤተሰብ እና ነዋሪዎች ገለጹ። ከኧሌ ዞን የመጡ ታጣቂዎች ማሳ ላይ በነበሩ አርሶ አደሮች ላይ ጥቃት መፈጸማቸው የተገለጸ ሲሆን፣ ከአራቱ በተጨማሪ አንድ ሰው ታግቶ መወሰዱ ታውቋል። የሟቾች ቤተሰብ እና የኮልሜ ወረዳ ኢንቨስትመት መምሪያ ጽሕፈት ቤት ኃላፊ አቶ ካርሻንቦ ካርበ እንደተናገሩት፣ የጥቃቱ መነሻ የወሰን ይገባኛል ጥያቄ ነው። የኮልሜ ፖሊስ ጽ/ቤት እንደገለጸው፣ ጥቃቱን የፈጸሙት ወደ 20 የሚጠጉ ታጣቂዎች ናቸው። የክልሉ መንግስት ለጉዳዩ አፋጣኝ መፍትሄ እንዲሰጥ ነዋሪዎች ጥሪ አቅርበዋል።