አሊኮ ዳንጎቴ ብዛዕባ ኢንቨስትመንት ኣፍሪቃን ፕሮጀክት መጽረዪ ነዳዲ ኬንያን ርኢቶ ሂቦም

ቢሊየነር ኣሊኮ ዳንጎቴ ኣፍሪቃውያን ናይ ኣህጉሮም ዕድል ብኢዶም ክወስዱ ጻውዒት ኣቕሪቦም። ኣብ ላሙ ኬንያ ብ16 ቢሊዮን ዶላር ዝግመት መጽረዪ ነዳዲ ፕሮጀክት ምጅማሮም ስዒቡ ምስ ቢቢሲ ኣብ ዝገበርዎ ቃለ መሕትት፡ ኣህጉርና ኣብ ወጻኢ አካላት ተጸጊዓ ክትነብር የብላን ኢሎም። ናይ ኣፍሪቃ ናጻ ንግዲ ስምምዕ ብትኽክል ክትግበር ዘዘኻኸሩ ዳንጎቴ፡ ኣፍሪቃውያን ኣብ ውሽጢ ኣህጉሮም ንምውፋር ዘለዎም ፍርሒ ክገድፍዎ ከምዘለዎም ኣገንዚቦም። እቲ ሓድሽ መጽረዪ ነዳዲ ፕሮጀክት ምስ ተዛዘመ ኣብ መዓልቲ 700 ሽሕ በርሚል ድፍድፍ ነዳዲ ናይ ምፍራይ ዓቕሚ ከምዝህልዎ ይግመት። ዳንጎቴ ወሲኾም፡ ሓይሊ ሰብን ተፈጥሮኣዊ ጸጋን ምህላዉ ንኣፍሪቃ ዓቢ ዕድል እኳ እንተኾነ፡ ውሽጣዊ ዝውውርን ኢንቨስትመንትን ግን ገና ከምዝጎደሎ ኣገንዚቦም።