በመቐለ የባንክና የቴሌኮም አገልግሎት ተጀምሮ የዕለት ተዕለት እንቅስቃሴ እየተመለሰ ነው

የትግራይ ዋና ከተማ በሆነችው መቐለ የሀገር መከላከያ ሰራዊት እና የሰላም ኃይል ከገቡ በኋላ ስልክ፣ ኢንተርኔት እና የባንክ አገልግሎቶች መጀመራቸው ተረጋግጧል። በከተማዋ የነበረው እንቅስቃሴ ወደ መደበኛው እየተመለሰ መሆኑንና ወጣቶች እንዲሁም የትራንስፖርት ተሽከርካሪዎች መታየት እንደጀመሩ ነዋሪዎች ገልጸዋል። ይሁን እንጂ የፀጥታ ሁኔታው ሙሉ በሙሉ አስተማማኝ ባለመሆኑ አሁንም ዝርፊያዎች እንደሚፈጸሙ ተገልጿል። ማንነታቸው ያልታወቁ ታጣቂዎች በከተማዋ ውስጥ በቢላዋ እና በጦር መሳሪያ እያስፈራሩ የሞባይልና የገንዘብ ዘረፋ እየፈጸሙ እንደሆነ ነዋሪዎች ይናገራሉ። በሌላ በኩል፣ ከሳምንት በላይ ተቋርጠው የነበሩ የመንግስትና የግል ሚዲያዎችን መልሶ ለማስጀመር ዝግጅት እየተደረገ ሲሆን፣ መቐለ ኤፍ ኤም 104.4 አዲስ አስተባባሪ እንደተመደበለት ታውቋል።