ኣብ መቐለ ግልጋሎት ባንክን ቴሌኮምን ተጀሚሩ፡ ህይወት ከተማ እናተመለሰት እያ

ኣብ መቐለ ግልጋሎት ባንክን ቴሌኮምን ድሕሪ ምጅማሩ ህይወት ከተማ እናተመለሰት ከምትርከብ ተገሊጹ። ሰራዊት ምክልኻል ሃገርን ሓይልታት ሰላምን ናብ ከተማ ድሕሪ ምእታዎም፡ ስልኪ፡ ኢንተርኔትን ባንክን ተጀሚሩ እዩ። ይኹን እምበር፡ ኣብቲ ከተማ ዘሎ ኩነታት ጸጥታ ሙሉእ ብሙሉእ ብዘይምርግጋኡ ዝርፊያ ይካየድ ከምዘሎ ነበርቲ ይዛረቡ። ዘይተለለዩ ዕጡቓት ብኻራን ብረት እናኸፈሩ ገንዘብን ሞባይልን ይዘርፉ ከምዘለዉ እዮም ነበርቲ ዝገልጹ። ብኻልእ ወገን፡ ልዕሊ ሰሙን ተቋሪጾም ዝነበሩ መራኸቢ ብዙሃን ንምጅማር ስራሕቲ እናተሰርሐ ከምዘሎ ክግለጽ ከሎ፡ መቐለ ኤፍ ኤም 104.4 ድማ ሓድሽ ኣወሃሃዲ ከምዝተመዘዘሉ ተፈሊጡ እዩ።