Mageellaatti tajaajilli baankii fi bilbilaa jalqabamee jira, haala nageenyaa irratti garuu yaaddoon jira

Magaalaa guddoo Tigraay Maqalee keessatti erga raayyaan ittisa biyyaa fi humnoonni nageenyaa seenanii booda tajaajilli bilbilaa, intarneetii fi baankii akka jalqabame mirkanaa'eera. Sochiin magaalaas gara haala idileetti deebi'aa jiraachuu fi dargaggoonni akkasumas konkolaattoonni tajaajila kennan mul'achuu jalqabuu jiraattonni ibsaniiru. Ta'us, haalli nageenyaa guutummaatti kan amanamu waan hin taaneef saamichi ammas itti fufee jira. Namoonni hidhatan osoo hin beekamin magaala sana keessatti waraqaa ragaa fi meeshaan namoota saamaa akka jiran jiraattonni dubbatu. Gam biraan, miidiyaaleen mootummaa fi dhuunfaa torban tokkoo oliif dhaabatanii turan deebisanii jalqabuuf qophiin taasifamaa jiraachuu, keessattuu miidiyaan Maqalee FM 104.4 qindeessaa haaraa akka ramade gabaafameera.