ኩነታት ጸጥታ ከተማ ዓዲግራትን ሓለዋ ዩኒቨርሲቲን

ከተማ ዓዲግራት ድሕሪ ምውጻእ ሓይልታት ህወሓት፣ ኣብዚ እዋንዚ ዝኾነ ሓይሊ ጸጥታ ከምዘይብላ ተገሊጹ። ነበርቲ ከተማ ብምውዳብ ንከተምኦም ካብ ዘረፋ እናተከላኸሉ ክኾኑ ከለዉ፣ ሰራዊት ምክልኻል ሃገርን ሓይሊ ሰላም ትግራይን ናብታ ከተማ እናገሰገሱ ምዃኖም ተነጊሩ።

ብኻልእ ወገን፣ ማሕበረሰብ ዩኒቨርሲቲ ዓዲግራት ነቲ ትካል ካብ ዘረፋ ንምክልኻል "ትካልና ኣይድፈርን" ብዝብል መሪሕ ቃል ጥብቂ ሓለዋ ይገብሩ ኣለዉ። መሪሕነት ዩኒቨርሲቲን ሰራሕተኛታትን ከምኡውን ማሕበረሰብ ከባቢን ተሓባቢሮም፣ ብካሜራ ጸጥታን ድሮንን ብምጥቃም ክሳብ ለይቲ ንትካልኦም እናተኸታተሉ ይርከቡ።