ኣብ ኢትዮጵያ ንሕክምና ኣእምሮ ዝውዕሉ መድሓኒታት ብርክት ዝበለ ሽግር ከም ዘለዎ ተገሊጹ

ዋና ፀሓፊ ማሕበር ሕክምና ኣእምሮ ኢትዮጵያ ዶ/ር እንግዳ ግርማ፣ ኣብታ ሃገር ንሕክምና ኣእምሮ ዝውዕሉ መድሓኒታት ብቐጻሊ ዘይምርካብን፣ ናይ ጽሬት ጉድለትን፣ ዋጋ ናህሪን ኣብቲ ሕክምና ዓቢ ጸገም ፈጢሩ ከም ዘሎ ገሊጾም። መድሓኒታት ካብ ዕዳጋ ብሃንደበት ምጥፋኦም ሕሙማን ናብ ዝነበርዎ ሕማም ከም ዝምለሱ ይገብር ከም ዘሎን፣ ገለ መድሓኒታት ድማ ናይ ጽሬት ጸገም ከም ዘለዎምን ተሓቢሩ።

ብተወሳኺ፣ መድሓኒታት ንነዊሕ እዋን ዝውሰዱ ስለ ዝኾኑ፣ ናህሪ ዋጋ ኣብቶም ሕሙማትን ስድራቤቶምን ዓቢ ናይ ኢኮኖሚ ጸቕጢ ፈጢሩ ኣሎ። ብፍላይ መድሓኒታት ሕማም ትኹረት (ADHD) ዘይምህላዎም፣ ሕሙማን ናብ ስራሕን መፍረያይ ሂወት ንኸይመለሱ ይገብሮም ኣሎ። ዶ/ር እንግዳ ኣድለይቲ መድሓኒታት ብቕልጡፍ ናብ ውሽጢ ሃገር ንኽኣትዉ ጻውዒት ኣቕሪቦም።