የፖሊሲ ጥናት ኢንስቲትዩት የማኅበራዊ ሚዲያ አጠቃቀም ጥናትን ይፋ አደረገ

የፖሊሲ ጥናት ኢንስቲትዩት በኢትዮጵያ የማኅበራዊ ሚዲያ አጠቃቀም፣ ጥቅምና ተግዳሮቶች ላይ ያከናወነውን ጥናት ይፋ አድርጓል። ጥናቱ እንደሚያሳየው፣ አርቲፊሻል ኢንተለጀንስን በመጠቀም የሚፈጠሩ አሳሳች ምስሎችና ቪዲዮዎች (Deepfake) ስጋት ቢሆኑም፣ ስለ ጉዳዩ በቂ ግንዛቤ ያላቸው ከ100 ተጠቃሚዎች 19ኙ ብቻ ናቸው። በሌላ በኩል፣ አብዛኛዎቹ የይዘት አዘጋጆች ትኩረት የሚያደርጉት ይዘታቸው ብዙ ሰው ጋር መድረሱ ላይ ብቻ እንደሆነ ታይቷል።

ከይዘት አዘጋጆች መካከል የይዘታቸውን መዘዝ ከግምት የሚያስገቡት 38 በመቶ ብቻ ሲሆኑ፣ ለሥነ ምግባራዊ ተገቢነት ቅድሚያ የሚሰጡት ደግሞ 37 በመቶ ናቸው። በተጨማሪም፣ 67 በመቶ የሚሆኑ የማኅበራዊ ሚዲያ ተጠቃሚዎች የኢንተርኔት አገልግሎት ዋጋ ውድነት ዋነኛ ተግዳሮት እንደሆነባቸው በምርምሩ ተገልጿል።