Manni Maree Qorannoo Imaammataa qorannoo fayyadama midiyaa hawaasaa ifoomse

Manni Maree Qorannoo Imaammataa qorannoo waa'ee fayyadama, faayidaa fi gufuuwwan midiyaa hawaasaa biyya keenya keessatti gaggeesse ifoomseera. Qorannoon kun akka agarsiisutti, suuraa fi viidiyoo sobaa teeknooloojii AI fayyadamuun qophaa'an (Deepfake) yaaddoo ta'us, namoonni 100 keessaa 19 qofa waa'ee kanaa hubannoo gahaa qabu. Gamasa biraatiin, qopheessitoonni qabiyyee hedduun xiyyeeffannoo kan kennan qabiyyeen isaanii namoota hedduu bira gahuuf qofa ta'uu qorannoon kun mirkaneesseera.

Qopheessitoota qabiyyee kana keessaa, 38% qofa kan miidhaa qabiyyeen isaanii fiduu danda'u xiinxalu, akkasumas 37% qofa kan safuu amalaaf xiyyeeffannoo kennan. Kana malees, qorannoon kun fayyadamtoonni 67% gatiin intarneetii mi'aawaa ta'uun gufuu guddaa isaanitti ta'uu ibseera.