ኢንስቲትዩት መጽናዕቲ ፖሊሲ ብዛዕባ ኣጠቃቅማ ማሕበራዊ ሚዲያ መጽናዕቲ ኣውጺኡ

ኢንስቲትዩት መጽናዕቲ ፖሊሲ ኣብ ኢትዮጵያ ንኣጠቃቅማ ማሕበራዊ ሚዲያ፣ ጥቅሙን ብድሆታቱን ዝምልከት መጽናዕቲ ኣውጺኡ። እቲ መጽናዕቲ ከም ዘርእዮ፣ ብርክት ዝበሉ ተጠቃሚታት ማሕበራዊ ሚዲያ ብዛዕባ እቲ ብሰው ሰራሽ ኣስተውሎት (AI) ዝፈጠሩ ሓሶት ምስልታትን ቪዲዮታትን (Deepfake) ዝፈልጡ ውሑዳት እዮም፤ ማለት ካብ 100 ተጠቃሚታት 19 ጥራይ እዮም ዝፈልጡ። በቲ ካልእ ወገን ድማ፣ መብዛሕትኦም ኣዳለውቲ ትሕዝቶታት ዘተኩሩ ዘለዉ ትሕዝቶታቶም ናብ ብዙሕ ሰብ ንምብጻሕ ጥራይ እዩ።

ካብቶም ኣዳለውቲ ትሕዝቶታት እቶም 38 ሚእታዊት ጥራይ እዮም ሳዕቤን ትሕዝቶታቶም ዘስተውዕሉ፣ እቶም 37 ሚእታዊት ድማ ንስነ-ምግባራዊ ተገቢነት ቅድምያ ይህቡ። ብተወሳኺ፣ 67 ሚእታዊት ተጠቃሚታት ማሕበራዊ ሚዲያ ዋጋ ኢንተርኔት ክቡር ምዃኑ ከም ዓቢ ብድሆ ከም ዝገለጽዎ እቲ መጽናዕቲ የመልክት።