መበል 15 ዓመት መወዳእታ ግዝኣት ኮሎኔል ሙዓመር ጋዳፊ

ሎሚ መበል 15 ዓመት መወዳእታ ግዝኣትን ሞትን መራሒ ሊቢያ ኮሎኔል ሙዓመር ጋዳፊ እዩ። ካብ 1969 ክሳብ 2011 ሊቢያ ዝመርሑ ጋዳፊ፡ ብዘመን ግዝኣቶም ንኢኮኖምን ማሕበራዊ ኣገልግሎትን እታ ሃገር ብዓቢዩ ዝቀየሩ እንተኾኑ፡ ብኻልእ ወገን ድማ ብኣምባገነንነት፡ ብግህሰት ሰብኣዊ መሰላትን ብጭካነ ዝተመልኦ ስጉምቲ ኣብ ተቓወምቲን ይፍለጡ ነይሮም።

ብ2011 ኣብ ዝተልዓለ ናይ ዓረብ ጸደይ ህዝባዊ ዕልዋ፡ ደገፍ ኔቶን ጣልቃ ምእታው ምዕራባውያንን ተወሲኽዎ መንግስቶም ወዲቑ። ጋዳፊ ኣብ መውለዲ ከተምኦም ሲርት ኣብ ዝተሓብእሉ ቦታ ተቐቲሎም። ይኹን እምበር፡ ጋዳፊ ምስ ወደቁ ሊቢያ ሰላምን ዲሞክራሲን ክትረክብ ኣይከኣለትን። እታ ሃገር ሎሚ ኣብ ውግእን ፖለቲካዊ መፋረቕን እያ ዘላ፡ ኢኮኖሚያዊ ውድቀትን ጸገም መዋቕር መንግስትን ኣጋጢምዋ ኣሎ።