ጌታቸው ረዳ በጦርነቱ ወቅት ግብፅ ለህወሓት ድጋፍ አድርጋ እንደነበር ተናገሩ

የትግራይ ክልል ጊዜያዊ አስተዳደር ፕሬዚዳንት አቶ ጌታቸው ረዳ፣ በትግራይ ጦርነት ወቅት ግብፅ ለህወሓት የገንዘብ ድጋፍ አድርጋ እንደነበር ይፋ አደረጉ። አቶ ጌታቸው ይህን የተናገሩት በኢትዮጵያ መከላከያ ኮሌጅ እና በውጭ ጉዳይ ኢንስቲትዩት በተዘጋጀ የፖሊሲ ውይይት መድረክ ላይ ነው። በወቅቱ የውጭ ግንኙነት ኃላፊ የነበሩት አቶ ጌታቸው፣ ህወሓት ከግብፅ 500 ሚሊዮን ዶላር ጠይቆ እንደነበርና ግብፆች ግን 500 ሺህ ዶላር ብቻ መለገሳቸውን ገልጸዋል። የህዳሴ ግድብን ምክንያት በማድረግ ግብፆች ህወሓትን ሙሉ በሙሉ እንደማያምኑ በወቅቱ ይገምቱ እንደነበርም አስታውሰዋል።