Getaachaw Raddaa yeroo waraanaatti Masriin TPLF'f deggarsa maallaqaa gochuu ishee dubbatan

Pirezidaantiin bulchiinsa yeroo naannoo Tigraay Obbo Getaachaw Raddaa, yeroo waraana Tigraayitti Masriin TPLF'f deggarsa maallaqaa gochuu ishee ibsan. Obbo Getaachaw kan dubbatan kana dirree marii siyaasaa kolleejjii ittisaa Itiyoophiyaa fi instiitiyuutii dhimma alaa qophaa'e irratti. Yeroo sana itti gaafatamaa hariiroo alaa kan turan Obbo Getaachaw, TPLF Masrii irraa doolaara miiliyoona 500 gaafatee akka turee fi Masriin garuu doolaara kuma 500 qofa akka kennite ibsaniiru. Dhimma hidha haaromsaa ilaalchisee Masriin TPLF amanannaa guutuu akka hin qabne yeroo sana akka shakkan ibsaniiru.