የአዲስ አበባ ዩኒቨርሲቲ 10 ምሁራንን ወደ ሙሉ ፕሮፌሰርነት ደረጃ ከፍ አደረገ

የአዲስ አበባ ዩኒቨርሲቲ አስተዳደር ቦርድ 10 ምሁራንን ወደ ሙሉ ፕሮፌሰርነት ደረጃ ማሳደጉን ይፋ አድርጓል። ምሁራኑ የያዙት የትምህርት ዘርፎች በስትራክቸራል ኢንጂነሪንግ፣ ሜዲካል ማይክሮባዮሎጂ፣ ኢንቫይሮሜንታል ማይክሮባዮሎጂ፣ ዲሳስተር ሪስክ ማኔጂሜንት እና በቨተርነሪ ኢፒዲሞሎጂ የተሰማሩ ናቸው። በተጨማሪም በማቲማቲክስ ኢጁኬሽን፣ ባዮኬሚስትሪ፣ ጀነራል ኢዱኬሽን፣ አርቲፊሻል ኢንተሊጀንስ እና በፊዚካል ኬሚስትሪ የዘርፍ ባለሙያዎች ወደ ሙሉ ፕሮፌሰርነት አድገዋል። ዩኒቨርሲቲው ይህ እድገት የተሰጠው ምሁራኑ በትምህርት፣ በአካዳሚያዊ አገልግሎት፣ በምርምር እና በማኅበረሰብ አገልግሎት ባስመዘገቡት የላቀ አስተዋጽኦ መሠረት መሆኑን ገልጿል።