ዩኒቨርሲቲ ኣዲስ ኣበባ ን10 ምሁራን ናብ መዓርግ ሙሉእ ፕሮፌሰር ኣዕቢዩ

ቦርድ ምምሕዳር ዩኒቨርሲቲ ኣዲስ ኣበባ ን10 ምሁራን ናብ መዓርግ ሙሉእ ፕሮፌሰር ከም ዘዕበዮም ኣፍሊጡ። እቶም ምሁራን ኣብ ስትራክቸራል ኢንጂነሪንግ፣ ሜዲካል ማይክሮባዮሎጂ፣ ኢንቫይሮሜንታል ማይክሮባዮሎጂ፣ ዲሳስተር ሪስክ ማኔጅመንትን ካልኦት ዓውድታትን ትምህርቲ ዝተዋፈሩ እዮም። ብተወሳኺ ኣብ ማቲማቲክስ ኢጁኬሽን፣ ባዮኬሚስትሪ፣ ጀነራል ኢዱኬሽን፣ ኣርቲፊሻል ኢንተሊጀንስን ፊዚካል ኬሚስትርን ዝዓዩ ምሁራን እውን ናብዚ መዓርግ በፂሖም ኣለዉ። እቲ ዩኒቨርሲቲ ከም ዝገለጾ፣ እዚ ዕብየት እዚ ዝተዋህበ እቶም ምሁራን ኣብ ትምህርቲ፣ ኣካዳሚያዊ ኣገልግሎት፣ ምርምርን ማሕበረሰባዊ ኣገልግሎትን ዘበርከትዎ ነዊሕ ዘመን ግደ መ መሰረት ብምግባር እዩ።