Yuunivarsitiin Finfinnee barsiistota 10 sadarkaa porofeesaraa guutuutti guddisuu beeksise

Boordiin bulchiinsa Yuunivarsitii Finfinnee, hayyoota 10 sadarkaa porofeesaraa guutuutti guddisuu beeksiseera. Hayyoonni kunneen damee istaarakcharal injiinaringii, medikaal maayikroobayooloojii, invayiroomeental maayikroobayooloojii, gorsa balaa uumamaa fi damee biroo keessatti sadarkaa isaanii ol guddisaniiru. Akkasumas dameewwan barnoota maataamaatiksii, bayookeemistrii, barnoota waliigalaa, artiifishaal inteeliijansii fi fiyizikaal keemistrii keessatti hayyoonni sadarkaa porofeesaraa guutuutti gahaniiru. Yuunivarsitiichi akka ibseetti, guddinni kun kan kenname hayyoonni kunneen barnoota, tajaajila akaadaamii, qorannoo fi tajaajila hawaasummaatiin gumaacha olaanaa taasisaniin walqabatee dha.