Major General Yohannes Woldegiorgis to'atame qabame

Ajajaan olaanoo waraana Tigray duraanii Major General Yohannes Woldegiorgis (John Medid) humnoota ittisa biyyaatiin to'atamuun isaanii mirkanaa'eera. Hoggantoonni waraana Tigray akka ibsanitti, generalichi har'a naannoo Tigray Godina giddugaleessatti, ganda Simret keessatti humnoota ittisa biyyaatiin marfamee qabameera. Isaan alatti, sadarkaa Koloneelii hanga Shaalaqatti kan turan ajootni waraanaa 7 fi miseensonni 'staff' 18, walumaagalatti namoonni 25 to'atamuun isaanii ibsameera.

Major General Yohannes Fulbaana 2013 irraa eegalee gama TPLF hiriiranii lola geggeessaa kan turan yoo ta'u, kanaan dura waraana ittisa biyyaa keessatti tajaajilanii kan soorama ba'aniidha. Dhiheenya kana "dhaloonni tokko wareegamaaf qophaa'uu qaba" jechuun isaanii dubbatamaa ture. Amma to'atamee kan jiru yoo ta'u, qorannoon irratti geggeeffamaa jira.