ሜጀር ጀነራል ዮሃንስ ወልደጊዮርጊስ ተታሒዞም

ናይ ትግራይ ሰራዊት ላዕለዋይ ኣዛዚ ዝነበሩ ሜጀር ጀነራል ዮሃንስ ወልደጊዮርጊስ (ጆን መዲድ) ኣብ ትሕቲ ቁፅፅር መንግስቲ ውዒሎም። መራሕቲ ሰላም ሓይሊ ትግራይ ከም ዘረጋገፅዎ፣ እቲ ጀነራል ሎሚ ኣብ ማእከላይ ዞን ትግራይ ኣብ ጣብያ ስምረት ብሰራዊት ምክልኻል ተኸቢቡ ከም ዝተታሕዘ ተገሊፁ። ምስኡ ብተወሳኺ ካብ ኮሎኔል ክሳብ ሻለቃ ሓላፍነት ዝነበሮም 7 ላዕለዎት ወታደራዊ መኮንናት ከምኡውን 18 ኣባላት ስታፍ፣ ብጠቕላላ 25 ሰባት ከም ዝተታሕዙ ተሓቢሩ።

ሜጀር ጀነራል ዮሃንስ ካብ ጥቅምቲ 2013 ዓ.ም ኣትሒዙ ምስ ህወሓት ተሰሊፉ ክዋጋእ ዝፀንሐ እንትኸውን፣ ቅድሚኡ ኣብ ሰራዊት ምክልኻል ሃገር ዘገልገሉን ብጡረታ ዝተፋነዉን ነበሩ። "ሓደ ወለዶ ንመስዋእቲ ክዳሎ ኣለዎ" ብዝብል መደረኦም ክዝረበሎም ዝፀንሑ እቲ ጀነራል፣ ሕጂ ኣብ ትሕቲ ቁፅፅር ውዒሎም ምርመራ ይግበረሎም ኣሎ።