ቀዳማይ ሚኒስተር ኣብዪ ኣሕመድ ሰበ ስልጣን መንግስቲ ኣብ ሁርሶ ወታደራዊ ስልጠና ይወስዱ ከምዘለዉ ኣፍሊጦም

ቀዳማይ ሚኒስተር ኣብዪ ኣሕመድ፡ ሰበ ስልጣን መንግስቲ ኣብ ሁርሶ ኣብ ዝርከብ መደበር ወታደራዊ ስልጠና ይወስዱ ከምዘለዉ ኣፍሊጦም። እቶም ቀዳማይ ሚኒስተር፡ እቲ ስልጠና መራሕቲ ስነ-ስርዓት፡ ሓባራዊ ዕላማ ብምትሕብባር ናይ ምዕዋት ዓቕሚ፡ ከምኡ እውን ሓላፍነትን ተሓታትነትን ንምዕባይ ከምዝሕግዝ ገሊጾም። "መንግስቲ መደመር" ንብልጽግና ሃገር ብፍልጠትን ብኣካልን ዝዳበሩ፡ ብስነ-ምግባር ዝተሃንፁ መራሕቲ ከምዘድልይዎ ጠቒሶም። ኣብ ተወሳኺ፡ እቲ ስልጠና ስትራቴጂ ስልጣነ መደመር ንምትግባርን ጸጥታ ሃገር ንምሕላውን ዘድሊ ክእለት ንምዕባይ ዝዓለመ ምዃኑ ኣረዲኦም።