ኣብ ትግራይ መሬት ምስ ምምሕዳር ተተሓሒዙ ዝነጥቡ ስራሓቲ ብግዝያዊነት ተታሒዞም

ቢሮ ምምሕዳርን ኣጠቓቕማን መሬት ክልል ትግራይ፡ ንኹሎም ምምሕዳራት ከተማን ገጠርን እቲ ክልል ምስ መሬት ተተሓሒዙ ዝግበር ስራሕቲ ብሕጊ ደው ከብሉ ዝእዝዝ ሰርኩላር ኣመሓላሊፉ። እዚ ስጉምቲ እዚ ዝተወስደ፡ ኣብ ምምሕዳር መሬት ዝነበሩ ጉድለታት ንምጽራይን ስርቂ ሓበሬታ ንምክልኻልን እዩ። እቲ ሓድሽ ትእዛዝ ሓድሽ ምቅይያር መሬትን ፍቃድ መሬት ምሃብን ንዘይተወሰነ ግዜ ደው ከምዝብል ገይርዎ። እቲ ሰርኩላር ሰነዳት መሬት ዝርከቡሉ ቤት መዝገብ ክዕሸግ ትእዛዝ ይህብ። ምምሕዳር ክፍለ ከተማ ሓውልቲ መቐለ ነዚ ትእዛዝ ብምቕባል እቲ ቤት መዝገብ ከምዘዕሸገ ጸብጻብ ቲክቫህ ኢትዮጵያ የመልክት።