ኣብ ኣዲስ ኣበባ ብዘጋጠመ ሓደጋ ትራፊክ ህይወት 8 ሰባት ሓሊፉ

ኣብ ኣዲስ ኣበባ ክፍለ ከተማ ጉለሌ ወረዳ 06 ቀጨኔ መቀጠያ ብዝተባህለ ቦታ ዕለት 31 ጥቅምቲ 2019 ዓ.ም ብዘጋጠመ ሓደጋ ትራፊክ ህይወት 8 ሰባት ሓሊፉ። ካብ ኩዩ ናብ ቀጨኔ ይጓዓዝ ዝነበረ ሚኒባስ መሪኡ ብምስሓቱ ንሓደ እግረኛ ምስ ወቕዐ ንሱ ህይወቱ ምስ ሓለፈ ድሕሪኡ ምስ መኪና ማይ ብምግጫዉ ኣብቲ ሚኒባስ ዝነበሩ 7 ሰባት ህይወቶም ሓሊፉ። ፖሊስ ኣዲስ ኣበባ ብድምር 8 ሰባት ከምዝሞቱ ኣረጋጊጹ። ብተወሳኺ 11 ሰባት ብዝወረዶም መጉዳእቲ ኣብ ሆስፒታል ክሕከሙ ከለዉ መራሕ መኪና እቲ ሚኒባስ እውን ብጉድኣት ኣብ ሕክምና ይርከብ። ፖሊስ ምኽንያት እቲ ሓደጋ እናጻረየ ምዃኑ ብምግላጽ መራሕቲ መኪና ሕጊ ደሕንነት መንገዲ ከኽብሩ ኣተሓሳሲቡ።