ዋጋ መሸጫ ማይ ጥሪ ማይ ተነጊሩ

ማሕበር ኣምረትቲ ማይ ጥሪ፡ ኣብ ኣዲስ ኣበባ ዝሽየጡ ዝተፈላለዩ ዓይነት ማይ መሸጢ ዋግኦም ኣፍሊጡ። ሓላፊት ቢሮ ንግዲ ኣዲስ ኣበባ ወይዘሮ ሓቢባ ሲራጅ፡ ዋግኦም ንቢሮ ዘየፍለጡ ፋብሪካታት ኣብ ውሽጢ ክልተ መዓልቲ ከፍልጡ ኣጠንቂቐን። እተን ዋግኦም ዘየፍለጣ ኩባንያታት ፍርያተን ኣብታ ከተማ ክሽይጣ ከምዘይክእላ ሓላፊት ቢሮ ገሊጸን። ብተወሳኺ ብታንከር ማይ እናዘዋወሩ ንዝሽይጡ ትካላት መፍትሒ ንምርካብ ምስ ኣገልግሎት ማይ ኣዲስ ኣበባ እናተሰርሐ ምዃኑ ተሓቢሩ። ተቆጻጸርቲ ሰራሕተኛታት እቲ ቢሮ፡ ፋብሪካታት ብዘፍለጥዎ ዋጋ መሰረት ሽያጭ ምፍጻሙ ክከታተሉ መምርሒ ተዋሂብዎም ኣሎ።