ኢሰመኮ ኣብ ዞባ ኣርሲ 48 ሰባት ከምዝተቐትሉ ኣረጋጊፁ

ኮሚሽን ሰብኣዊ መሰላት ኢትዮጵያ (ኢሰመኮ) ኣብ ክልል ኦሮሚያ፣ ዞባ ደቡብ ምብራቕ ወረዳ ሲርካ ብዝተፈጸመ መጥቃዕቲ ብዕጡቓት 48 ሰባት ከምዝተቐትሉ ኣፍሊጡ። ኮሚሽኑ 23 ኣካላት ጸጥታ፣ 5 ኣባላት ሚሊሻ፣ 13 ሰላማዊያን ነበርትን ካልኦት 7 ሰባት ብኻልኦት ዕጡቓት ከምዝተቐትሉ ኣረጋጊጹ። ብተወሳኺ 20 ሰባት ጉድኣት ከምዝበጽሖም፣ 21 ኣባይቲ ከምዝተቓጸሉን 247 ስድራቤታት ከምዝተመዛበሉን ተገሊጹ። ዋና ኮሚሽነር ብርሃኑ ኣዴሎ መንግስቲ ንነበርቲ እቲ ከባቢ ጸጥታ ከረጋግጽን ስርዓት ቅድመ-መጠንቀቕታ ከደልድልን ኣተሓሳሲቦም። ቅድሚ ቁሩብ መዓልታት ቤተ-ክርስትያን ኦርቶዶክስ ተዋህዶ ኢትዮጵያ ኣብ ክልል ኣርሲ 60 ምእመናን ከምዝተቐትሉ ምግላጻ ይዝከር።